16 July, 2010

உனக்கே உனக்கு

****************
பார்த்தபோது தெரிந்தது விழிமூடியதொரு புத்தன்
மீண்டும் பார்த்தேன்
பார்த்தபோது தெரிந்தது குருதிவழியும் கழுதைப்புலி


பார்த்தபோது தெரிந்தது உஷை கக்கும் தணல் விளக்கு
மீண்டும் பார்த்தேன்
பார்த்தபோது தெரிந்தது கருநாகம் உரித்துப்போட்ட வெண்சட்டை


பார்த்தபோது தெரிந்தது முன்பனியின் பொன்விடியல்
மீண்டும் பார்த்தேன்
பார்த்தபோது தெரிந்தது நரக்கழிவின் தீய்ந்த வாசம்


பார்த்தபோது தெரிந்தது வானவில்லின் நான்காம் வண்ணம்
மீண்டும் பார்த்தேன்
பார்த்தபோது தெரிந்தது குரைப்பொலியின் வன்னதிர்வு


பார்த்தபோது தெரிந்தது பால்வடிந்த ஜீவமுகம்
மீண்டும் பார்த்தேன்
பார்த்தபோது தெரிந்தது வன்மம் வீசும் கொலைப்பார்வை

***********************

விசுவாசத்தை அழித்தவனின் முகம் உனக்கு பரிச்சயமாகும் காலம் எப்பொழுதுமே முன்வசந்தம். மழையும் முன்பனியும் மிளிரச்செயும் நிலம் உனது. கங்கு துப்பும் சீனட்ராகன் நான். விழிமலரும் மொழியமுதம் நீ . ***********************

உலகம் ஒரு வெம்பிய மாம்பழம். அதே நேரத்தில் ஒரு உதக்கொட்டை.

***********************

நெதர்லாந்து ஜெயிக்கவில்லை என்கிற வருத்தம். ஆக்டோபஸ் ஜெயித்த வருத்தம். மறுபடியும் அடுத்த போட்டிகள் பிரேசிலில் நடப்பது வருத்தம். ஸ்பெயினின் உலகக்கோப்பை வருத்தம். விளையாட்டில் ரபேல் நாடல் மட்டுமே மகிழ்ச்சி. ஏனென்றால் நாடல் ஒரு கால்பந்து வீரன்.

************************

ஆடி

தள்ளுபடி அம்மனின் துணையில் செட்டிகளும் தேவாங்குகளும் கொள்ளை லாபம் கொள்ள இது உகந்த மாதம். ஆடி, நடு ஆடி, கடைசி ஆடி மற்றும் ஆடி பதினெட்டு போன்ற திருவிழாக்களை மொத்தமாக கொண்ட மாதம். தவிரவும் இது பூணூல் காரர்களுக்கு பலவித விசேசங்களைக் கொண்ட மாதமும். வாழ்க.

************************

பத்து நாட்களாக கடுமையான வேலைப் பளு. தலை பாரம் போக்க இரண்டு படங்கள் பார்த்தேன். ஒன்று ஹர்ட் லாக்கர் மற்றொன்று ஐ ஹேட் லவ் ஸ்டோரி . அற்புதமான படங்கள். முதலாவது டிபிகல் அமெரிக்கன். எப்பொழுதும் போல. அதற்கான ஆஸ்கர்கள் வியப்புக்குரியவைகள் அல்ல. தே டன்.

லவ் ஸ்டோரி யூசுவல் சினிமா. ஐ ஹேட்.

************************************

என் சோம்பேறித்தனத்தை மன்னிக்கவேண்டும்,. என்னைப்பற்றி எழுதிய கௌசல்யாவுக்கு நன்றி. நன்றி.

நன்றி.

**********************

1 comment:

பத்மா said...

தயவு செய்து எதையும் இரண்டாவது முறை பார்க்காதீர்கள் ஆதிரன் ..

plus and minus together make something complete . இல்லையா? இருப்பினும் பார்வையின் தீவிரம் கனம்.ஒரு கடுமையான கவிதை ....