13 June, 2010

ஜாக்கி .....



பார்த்திபன் மன்னிக்கவேண்டும் !!!!

*************************

எனது புகைப்படங்களுக்கு என தனியான பதிவு வலையை அமைத்துள்ளேன். http://sirumiadhira.blogspot.com/
வாருங்கள். நன்றி.


*************************

சினிமா இருக்கும் நாடுகளனைத்திலும் தெரிந்த ஒரு கதாநாயகனாய் இருப்பவர் ஜாக்கி சான். அவரது இரண்டு படங்களை சமீபத்தில் பார்த்தேன்.

shinjuku incident
karate kid


இரண்டு படங்களும் எனக்கு நிறைய கேள்விகளை எழுப்பின. ஜாக்கி சண்டை பட நாயகன். அவரது நகைச்சுவையுணர்வுடன் கூடிய சண்டைக்காட்சிகளுக்கும் கையில் கிடைக்கும் சாதாரண பொருட்களை அசாதாரணமான ஆயுதமாக மாற்றி உபயோகிக்கும் திறமையும் அவரது தனிச்சிறப்புகள். அவரது ஆளுமை எத்தகையது என்பது அவரது வலைமனையிலும் விக்கிபீடியாவிலும் தெரிந்து கொள்ளலாம். மிக பரவசம் தரக்கூடிய ஆளுமை.

அவர் ஆளுமைக்கு மகுடம் சூட்டும் வகையில் இந்த இரண்டு திரைப்படங்களின் மூலம் தன்னை அவர் வெளிப்படுத்திக்கொள்கிறார் எனலாம். ஷிஞ்சுகு இன்சிடென்ட் படத்தில் ஒரு சீன அகதியாக ஜப்பானுக்குள் நுழைந்து பிழைப்பு தேடும் பாத்திரத்தில் நடிக்கிறார், ஒரு நாயைப் போல துரத்தி துரத்தி அடித்து கொல்கிறார்கள் அவரை. தனது பிழைப்பிற்காகவும் நண்பர்களுக்காகவும் இளமைக்கால காதலிக்காகவும் தன்னை மாய்த்துக்கொள்ளும் அகதியாக அவரது நடிப்பு மிக நுணுக்கமானது. சீனாவையும் ஜப்பானையும் அதனது அரசியல் செயல்பாடுகளையும் தீர்மானமாக கேள்விக்குள்ளாகும் இந்த படம். தமிழ்நாட்டில் ஒருவாரத்திற்கு மேல் ஓடாமல் போனது. காரணம் அறியக்கூடியதே. முறைத்துக்கொண்டும், எதிர்த்து அடிக்காமலும் அடிபட்டே சாகும் ஜாக்கியை யாருக்கு பிடிக்கும்? ரஜினி அடிபட்டு செத்தால் படம் ஓடுமா. அதுபோலதான். ரஜினி அதுபோல நடிக்கமாட்டார். ஜாக்கி நடித்திருக்கிறார். கலாச்சார பிரதிபலிப்பாக மனித அவலங்களின் பதிவுத்தர்மமாகவும் தனது கேள்விகளின் ஊடகமாகவும் சினிமாவை ஜாக்கி எடுத்துக் கொள்கிறார் எனநினைக்கிறேன்.

மாறாக கராத்தே கிட் - டில்அவர் ஏற்றிருப்பது மனைவி மகளை இழந்த வயதான எலக்ட்ரிசியன் வேடம். பிரபல அமெரிக்க கறுப்பின நடிகர் வில் ஸ்மித் இன் மகன் ஜேடன்ஸ்மித் தான் கராத்தே கிட். கறுப்பின அம்மாவும் மகனும் சீனாவுக்குள் நுழைந்து அற்புதமாக வாழ்வை அமைத்துக்கொள்ளலாம் என்பதுதான் இப்படத்தின் மொத்த அரசியல். சீனா அனைவருக்கும் கதவை திறக்கிறது என்பதுதான் மெசேஜ். எண்பதுகளில் வந்த கராத்தே கிட் - இன் ரீ மேக் இதற்காத்தான் செய்யப்பட்டுள்ளது. அதில் ஆசிய ஐக்கான் ஜாக்கி நடிக்க வைக்கப்படிருக்கிறார்.

இந்த வகையான நாடுகள்-தொடர்பான கலாச்சார விளம்பரங்களை நூற்றுக்கணக்கான கோடிகளைக் கொண்டு படமெடுத்து பீப்பி ஊதும் நாடுகளில் அமெரிக்கா எப்பொழுதும் முதலிடத்தில் இருக்கிறது.

நமது நாட்டுப்படங்கள் பொதுவாக 'musical' என்று உலக நாடுகளில் அர்த்தப்படுத்த படுகிறது. இவற்றில் தொண்ணூறு சதம் ஹிந்தி படங்கள். சுப்ரமணியபுரம் போல பத்தாண்டுகளுக்கொருமுறை நமது தமிழ் படங்கள் உலக அரங்கில் மேடையோரத்தில் அமர்ந்துவிட்டு வருகின்றன.

நமக்கு ஆஸ்கார் கிடைக்க பிரிட்டிஷ் காரனிடம் வேலைசெய்ய வேண்டியிருக்கிறது!

5 comments:

பத்மா said...

new template ...hmmm kalakkunga

பனித்துளி சங்கர் said...

//////நமக்கு ஆஸ்கார் கிடைக்க பிரிட்டிஷ் காரனிடம் வேலைசெய்ய வேண்டியிருக்கிறது! ///////////

சிந்துக்கத் தூண்டும் வார்த்தைகள் . பகிர்வுக்கு நன்றி

par said...

//நமக்கு ஆஸ்கார் கிடைக்க பிரிட்டிஷ் காரனிடம் வேலைசெய்ய வேண்டியிருக்கிறது!//

The fact is even for a British to get an Oscar, he/she has to work with the Americans. Their films have to be either produced by Americans or distributed in America.

adhiran said...

thanks padma, parth, sankar.

Kousalya Raj said...

இப்பதான் இந்த பதிவை பார்க்க முடிந்தது. சிறு வயது முதல் ஜாக்கியின் பயங்கர ரசிகை நான் !

அவரை பற்றிய இந்த பதிவு அருமை !! வாழ்த்துகள் !!!