காமா.......

எறும்புகளுக்கும் ஈக்களுக்கும் முன்னதாய் உடம்பைத்துய்கிறாய். துவக்குடன் துவக்கும் உனதான செயல்கள் ரவையை விட வேகமானவைகள். உன்னைச்சுற்றி சிதறும் உடல்கள் மட்டும் உயிரற்றவைகள் அல்ல என்பதை நடத்திக்காட்டும் உனது வீரதீர சாகசங்களில் மயங்குகிறது குருதிமணம் கொண்டதுன் பொன்தலைமை. தீர்த்துவிடு தாகமனைத்தையும் உனதான கடைசி விருப்பம் அதுவென்றால். பின் உன்னை ஆசுவாசப்படுத்திக்கொள் என் முன் மண்டியிட்டு. என்னை ஏறிட்டுப் பார்க்காதே ஏனென்றால் அங்கு நான் என்று எவருமில்லை அல்லது எதுவுமில்லை . இருப்பது என்னவோ வெப்பம் காந்தும் பழுப்பு வண்ண பீடபூமி. யாவர்க்கும் நீ அளித்தது போல வன்மைரணம் அல்ல நான் தரப்போவது. நீ வலிஎதுமின்றி கரைந்துபோவாய் எப்போதைக்கும் மீளாதபடிக்கு. அதற்கான ஆயுதத்தை நீ உன் அழிப்புத்தொழில் மூலம் என்னிடம் விட்டிருக்கிறாய். நீ அறியாமல் செய்த செயலது. அது ஒற்றை சொல்லாய் என்னிடம் இருக்கிறது.. ஆம் வெறும் ஒற்றைச் சொல்லாய். உன் மொத்த இருப்புக்கும் ஒற்றை ஆயுதமாய்.